ain.az, Bizimyol saytından verilən məlumata əsaslanaraq xəbər yayır.
İran Xarici İşlər Naziri Seyyid Abbas Ərakçi BMT İnsan Haqları Şurasının fövqəladə iclasında ABŞ və İsrailin İrana qarşı apardığı hərbi əməliyyatları “qanunsuz və amansız” adlandıraraq beynəlxalq ictimaiyyəti qətiyyətli şəkildə bu hərəkətləri qınamağa çağırıb.
Bizimyol.info xəbər verir ki, nazir çıxışında beynəlxalq cəmiyyətin səssizliyinin daha çox sabitsizlik və insan haqları pozuntularına yol açacağını bildirib.
Ərakçi, İranın ABŞ və İsrail tərəfindən “iki nüvə silahlı zorba rejim” adlandırdığı qüvvələrin hədəfi olduğunu və müharibənin diplomatik danışıqlar zamanı başladığını diqqətə çatdırıb. O qeyd edib ki, son doqquz ayda bu ölkələr ikinci dəfə danışıqları pozaraq sülh prosesinə zərər vurublar.
Nazir Minab şəhərindəki “Şəcərə-yi Tayyibe” ibtidai məktəbinə yönəlmiş hücumdan danışaraq, bu hücumda 175-dən çox şagird və müəllimin amansızca öldürüldüyünü bildirib. O, bu hadisəni “daha böyük və gizlədilən vəhşiliklərin yalnız görünən tərəfi” kimi qiymətləndirib və vurğulayıb ki, bu əməl açıq bir savaş və insanlığa qarşı cinayətdir.
Ərakçi həmçinin qeyd edib ki, müharibə başlayandan bəri İranda 600-dən çox məktəb dağılıb və ya ziyan görüb; minlərlə şagird və müəllim həyatını itirib və ya yaralanıb. ABŞ və İsrailin xəstəxanaları, tibbi xidmət avtomobilləri, tibb işçilərini, yardım qruplarını, neft emalı zavodlarını, su mənbələrini və yaşayış məntəqələrini hədəf aldığına diqqət çəkib.
Nazir bu hücumların planlı xarakteri nəzərə alındığında, niyyətin açıq şəkildə soyqırım cəhdinə işarə etdiyini və bu savaşın Fələstin və Livandakı əvvəlki pozuntulara qarşı beynəlxalq səssizliyin birbaşa nəticəsi olduğunu bildirib.
Ərakçi çıxışının sonunda vurğulayıb ki, İran müharibə istəmir, lakin xalq özünü qorumaq üçün “sarsılmaz qərarlılığa” sahibdir və bu müdafiə lazım olan müddətcə davam edəcək.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
