Hurriyyet saytından verilən məlumata əsasən, ain.az məlumatı açıqlayır.
Qara dəniz akvatoriyası üzərində hərbi təyyarələrin intensiv uçuşları beynəlxalq medianın diqqət mərkəzinə düşüb.
Hurriyyet.az xəbər verir ki, uçuş radarlarının məlumatlarına görə, Türkiyəyə məxsus ATR 72-600 sualtı qayıqlara qarşı müdafiə təyyarəsi dəniz üzərində patrul xidməti həyata keçirib.
Məlumata görə, Türkiyə vaxtı ilə saat 10.03-də havaya qalxan təyyarə təxminən bir saat sonra Bolqarıstan və Rumıniya sahillərinin qərb hissəsinə çatıb. Orada şərqdən qərbə və əks istiqamətdə uçuşlar edən təyyarənin saat 12.45 radələrində hələ də ərazidə patrul xidmətini davam etdirdiyi qeyd olunub.
Gərginlik təkcə Türkiyə təyyarəsi ilə məhdudlaşmır. Ötən gün İsveç Hərbi Hava Qüvvələrinə məxsus "Gulfstream" təyyarəsinin də Qara dənizin qərbində, neytral sular üzərində dövrə vurduğu barədə məlumatlar yayılıb. TASS agentliyinin mənbəsinə görə, İsveçin Lincöpinq aerodromundan qalxan və bir neçə Avropa ölkəsinin hava məkanını keçən təyyarə 13 kilometrdən artıq yüksəklikdə saatlarla kəşfiyyat aparıb.
Mənbə qeyd edir ki, İsveç təyyarəsi artıq birinci dəfə deyil ki, bu zonada görünür. Bundan əvvəl isə ABŞ-ın patrul təyyarəsinin də Qara dəniz üzərində uçuş həyata keçirdiyi bildirilir.
Sonrakı hadisələr barədə daha çox məlumat almaq üçün ain.az saytını izləyin.
