Azpolitika.az saytından alınan məlumata görə, ain.az bildirir.
ABŞ Müdafiə Nazirliyinin (Pentaqon) ABŞ və İsrailin İrana qarşı başladığı hücumlarla davam edən münaqişəni sonlandırmaq üçün “böyük son zərbə” hazırlığında olduğu iddia edilir.
ABŞ-nin "Axios" saytının iki amerikalı rəsmi və məlumatlı mənbələrə istinadən yaydığı xəbərə görə, Vaşinqton ilə Tehran arasında danışıqlarda irəliləyiş əldə olunmasa, “hərbi eskalasiya” ehtimalı artır.
Mənbələr bildirir ki, Pentaqon İrana qarşı “son zərbə” planları üzərində işləyir.
Məlumata əsasən, bu planlara İran üçün strateji əhəmiyyət daşıyan Xark, Larak və Əbu Musa adalarının, eləcə də digər ərazilərin ələ keçirilməsi, həmçinin Hörmüz boğazının şərqində İran neftini daşıyan gəmilərin blokadaya alınması variantları daxildir.
Digər tərəfdən, diplomatik mənbələr bildirir ki, Türkiyə, Pakistan və Misir tərəflər arasında vasitəçilik səylərini davam etdirir. İranın ABŞ-nin tələblərini rədd etdiyi, lakin danışıqlardan tam çəkilmədiyi vurğulanır.
"AzPolitika.info"
Sonrakı hadisələr barədə daha çox məlumat almaq üçün ain.az saytını izləyin.
