İran hökuməti Trampın danışıqlar iddialarını təkzib edib » AzadMedia.az

İran hökuməti ABŞ prezidenti Donald Trump tərəfindən səsləndirilən Tehranla guya danışıqlar aparılması barədə iddiaları təkzib edib.

Bu barədə İran hökuməti yanında İnformasiya Şurasının rəhbəri Elyas Hazrati dövlət televiziyasında çıxışı zamanı bildirib.

Onun sözlərinə görə, ABŞ tərəfi beynəlxalq ictimaiyyət qarşısında heç bir nəticə əldə edə bilməyib və reallığa uyğun olmayan açıqlamalar verir:

“Düşmən heç nəyə nail ola bilmədi. Dünya ictimaiyyətinə cavab verə bilmir. Sülh bağladığını, danışıqlar apardığını iddia edir. Bu, tamamilə həqiqətə uyğun deyil. Tramp yalan danışır. O, danışıqların ortasında müharibəyə başladı və bu dəfə buna nail ola bilməyəcək.”

Bundan əvvəl Donald Trump martın 23-də Truth Social platformasında ABŞ ilə İran arasında son iki gün ərzində Yaxın Şərqdə döyüşlərin dayandırılması ilə bağlı konstruktiv danışıqlar aparıldığını iddia etmişdi. O həmçinin bildirib ki, Pentaqona İranın enerji infrastrukturuna mümkün zərbələrin 5 gün müddətinə təxirə salınması barədə göstəriş verib.

Lakin İran Xarici İşlər Nazirliyinin rəsmi nümayəndəsi Esmail Baghaei bu iddiaları rədd edərək bildirib ki, Tehran Vaşinqtonla heç bir birbaşa danışıqlar aparmayıb, yalnız vasitəçilər vasitəsilə öz mövqeyini çatdırıb.