Türkiyə milli komandasının ulduz futbolçusu Hakan Çalhanoğlu lüks avtomobil kolleksiyası ilə yenidən gündəmə gəlib.
NOCOMMENT.az xəbər verir ki, onun qarajında olan “Lamborghini” və “Rolls-Royce” markalı avtomobillər sosial mediada böyük maraq doğurub və azarkeşlər arasında geniş müzakirələrə səbəb olub.
“KAFA Sports” YouTube kanalına danışan Çalhanoğlu avtomobillərə olan həvəsini belə izah edib:
“Mən onlardan əsasən yayda istifadə edirəm; qışda çox istifadə etmək istəmirəm. Onlara həsrətəm”.
Futbolçu bildirib ki, lüks avtomobillər onun üçün sadəcə nəqliyyat vasitəsi deyil, həm də xüsusi hobbi və maraq sahəsidir.
Paylaşılan şəkillər qısa zamanda sosial mediada trendə çevrilib. Xüsusilə “Lamborghini” və “Rolls-Royce” kimi lüks avtomobillərin yer aldığı qaraj futbol azarkeşlərinin böyük marağına səbəb olub.
Qeyd edək ki, Hakan Çalhanoğlu həm Türkiyə millisinin, həm də klub karyerasında çıxış etdiyi komandaların ən vacib oyunçularından biri hesab olunur və meydandakı performansı qədər şəxsi həyatı və bahalı avtomobilləri ilə də tez-tez gündəmə gəlir.
Turan
NOCOMMENT.az
