"Qarabağ" klubunun mövsümün sonunda qapıçısı Fabiyan Buntiçlə yollarını ayıracağı barədə daha əvvəl məlumat verilmişdik.
Sportal.az Sport24.az-a istinadən xəbər verir ki, xorvat qolkiperin karyerasını harada davam etdirə biləcəyi ilə bağlı yeni informasiya əldə edib.
Məlumata görə, 29 yaşlı futbolçu artıq qərarını verib və Ağdam təmsilçisindən ayrılacağını rəhbərliyə çatdırıb.
Buntiçə Çexiyanın I Liqası və Portuqaliyanın II Liqasından təkliflər olduğu bildirilir. Lakin bu keçidin reallaşması üçün maraqlı tərəflər ilk növbədə "Qarabağ"la razılığa gəlməlidir. Çünki qapıçının klubla müqaviləsi 2027-ci ilin yayına qədər qüvvədədir.
Qeyd edək ki, Fabiyan Buntiç 2024-cü ildən "Qarabağ"ın formasını geyinir. O, əsas heyətdə istədiyi qədər şans qazana bilmədiyi üçün komandadan ayrılmaq niyyətindədir.
saytlarin hazirlanmasi
