BAKI, 25 mart. TELEQRAF
Amerika qüvvələri İranda 10 milyard dollar dəyərində olan böyük elektrik stansiyasını dağıda bilər.
Teleqraf xəbər verir ki, bu barədə ABŞ prezidenti Donald Tramp yenidən xəbərdarlıq edib.
"Biz istədiyimizi edə bilərik", - deyə o, ABŞ-nin İrana maneəsiz zərbə endirə biləcəyinə işarə edərək bildirib.
"Bildiyiniz kimi, bu gün dünyanın ən böyük elektrik stansiyalarından birinə çox böyük bir zərbə endirmək şərəfinə nail olacaqdıq. Düzgün yerə bir zərbə endirilsə, stansiya yox ola bilərdi. Amma biz bunu təxirə saldıq, çünki danışıqlar aparırıq", - deyə o əlavə edib.
