Brent markalı neftin barel qiyməti ABŞ Prezidenti Trampın İranın enerji infrastrukturuna qarşı hücumu 5 gün təxirə salmaq qərarından sonra 9 faiz geriləyərək 96,96 dollara düşüb.
AFN.az xəbər verir ki, bazarlarda müşahidə olunan bu kəskin azalma birbaşa Vaşinqtonun hərbi əməliyyatlarla bağlı verdiyi möhlət qərarı ilə əlaqələndirilir.
Sözügedən qərar qlobal enerji tədarükü zəncirindəki gərginliyi müvəqqəti də olsa azaltdığı üçün xam neft qiymətlərində ciddi enişə səbəb olub. Analitiklər bildirirlər ki, regiondakı geosiyasi risklərin qısamüddətli yumşalması investorların narahatlığını müəyyən qədər aradan qaldırıb.
Lakin 5 günlük müddətin sonunda baş verə biləcək hadisələrin neft qiymətlərini yenidən yuxarı doğru hərəkət etdirə biləcəyi də istisna edilmir.
