ABŞ Silahlı Qüvvələrinin Mərkəzi Komandanlığı Tehran, Vaşinqton və İsrail arasındakı mövcud qarşıdurma zamanı İran bölmələrinin ABŞ-a məxsus "F-15" qırıcısını vura bilməsi barədə daha əvvəl yayılan məlumatları təkzib edib.
Publika.az xəbər verir ki, bu barədə Amerika komandanlığı "X" sosial şəbəkəsində bəyanat yayıb.
Bəyanatda bu məlumatlar qeyri-dəqiq adlandırılıb və vurğulanıb ki, ABŞ-ın heç bir təyyarəsi İran qüvvələri tərəfindən vurulmayıb.
Bundan əvvəl İranın dövlət mediası ABŞ və İsrail ilə münaqişənin eskalasiyası çərçivəsində daha bir "F-15" qırıcısının uğurla vurulduğunu bildirmişdi.
