İtaliya A Seriyasında çıxış edən "Yuventus"un gənc ulduzu Kenan Yıldız klubun tarixinə düşməyi bacarıb.
Fanat.Az xəbər verir ki, Türkiyə milli komandasının üzvü olan futbolçu, Turin klubunun tarixində 21 yaşını tamamlamadan bir mövsümdə iki rəqəmli qol sayına (10 qol) çatan ilk əcnəbi oyunçu olub.
Cari mövsümdə göstərdiyi performansla diqqət çəkən 19 yaşlı hücumçu, aktivinə 10 qol və 6 məhsuldar ötürmə yazdıraraq "qara-ağlar"ın hücum xəttində əsas simaya çevrilib.
