Braziliyalı aktyor, rejissor, yazıçı və dramaturq Juka de Oliveyra 91 yaşında vəfat edib.
Ölkə.Az oxu.az-a istinadən xəbər verir ki, bu barədə aktyorun yaxınlarına istinadən "Poder360" nəşri məlumat yayıb.
Məlumata görə, o, martın 21-də, səhər saatlarında dünyasını dəyişib.
Juka de Oliveyra tamaşaçılara "Klon" və "Braziliya prospekti" seriallarındakı rolları ilə tanış idi. O, "Klon" serialında albieri obrazını canlandırıb.
Aktyor martın 13-dən San-Paulu şəhərində xəstəxanaların birində reanimasiya şöbəsində müalicə alırdı. Bildirilir ki, o, ürək problemləri fonunda inkişaf edən pnevmoniya səbəbindən xəstəxanaya yerləşdirilmişdi.
