BAKI, 21 mart. TELEQRAF
İspaniya La Liqasının futbolçuları çempionatın ən "qıcıqlandırıcı" məşqçisini seçiblər.
Teleqraf xəbər verir ki, ESPN-in 30 anonim futbolçu arasında apardığı araşdırma nəticəsində "Atletiko Madrid"in baş məşqçisi Dieqo Simeone səslərin 43,3%-ni toplayaraq siyahıya başçılıq edib. Oyunçulardan biri onun rəqibləri provokasiyaya çəkməyi çox sevdiyini vurğulayıb.
Siyahıda digər yerlər aşağıdakı kimi bölünüb:
- Xose Bordalas ("Xetafe"): 23,3%
- Marselino Toral ("Vilyarreal"): 13,3%.
- Mixel Sançes ("Jirona"): 6,6%.
- Xabi Alonso ("Real Madrid"in sabiq baş məşqçisi): 3,3%.
Qeyd edək ki, hazırda turnir cədvəlinə 28 turdan sonra 70 xalla "Barselona" liderlik edir. Simeonenin "Atletiko"su isə 57 xalla 4-cü pillədə qərarlaşıb.
