Xəbər verdiyimiz kimi, Xətai rayonunda kanalizasiya kollektorunun çökməsi nəticəsində bir neçə evin zirzəmisini su basıb, çökmə baş verib.
News365.az xəbər verir ki, hadisə ilə bağlı rayon sakinləri “Baku TV”yə danışıb.
Onlar bildirib ki, subasmadan öncə qarşının alınnması məqsədilə müvafiq qurumlara müraciət ediblər:
“Bayramdır. Lakin bizim evləri su basıb, çöllərdəyik. Bu hadisənin baş verəcəyi əvvəlcədən məlum idi. Bunun üçün biz Xətai rayon İcra Hakimiyyətinə, AZƏRSU, ADSEA-ya məlumat verdik. Gəlib baxıb gediblər. Deyiblər ki, gəlib bərpa edəcəyik. Üç, dörd aydır günümüz belədir, məlumat veririk, iş görən yoxdur”.
“Çökmə dekabrın 10-dan başladı, yavaş-yavaş böyüdü, indi bu vəziyyətə gəldi. İndi gəlib deyiblər ki, siz bu evlərdən çıxmalısız”,- deyə sakinlər bildirib.
