Dünyada 20 mart Beynəlxalq Xoşbəxtlik Günü kimi qeyd olunur. Bu tarixdə dünyadakı insanların və ölkələrin xoşbəxtliklərinin önəmi vurğulanır.
Danimarkanın Kopenhagen şəhərində yaradılan unikal Xoşbəxtlik Muzeyi də bu tarixə həsr olunub. Bu qeyri-adi muzey paytaxtın mərkəzi və sakit bir küçəsində yerləşir. Burada ziyarətçilər xoşbəxtliyi əsrlər və müxtəlif sivilizasiyalar prizmasından kəşf edə və muzeyin divarlarını öz ideyaları, həyatlarının ən xoş anlarının xatirələri ilə bəzəyə bilərlər. Muzeyə “Həyatdakı böyük şeylər haqqında kiçik bir muzey” deyilir.
Muzeyin eksponatları elmi baxımından xoşbəxtliyin bütün forma və təzahürlərinə həsr olunub. Ekspozisiyanın böyük hissəsi təqdim olunmuş eksponatlardan yaradılıb. Xoşbəxtlik anlayışı adi insanların baxış bucağından araşdırılıb.
Muzey Kopenhagenin pozitiv atmosferini əks etdirir və ziyarətçilərə ruhlandırıcı təcrübə təqdim edir.
