NATO "təhlükəsizlik narahatlıqları" səbəbindən İraqdakı missiyasını dayandırmaq qərarına gəldikdən sonra, orada xidmət edən bəzi ispan əsgərləri Türkiyə vasitəsilə təxliyə edildi.
İspaniya müdafiə naziri Marqarita Robles mətbuata açıqlamasında İraqda xidmət edən 100 ispan əsgərinin təxliyə edildiyini və hazırda Türkiyədə və ya yolda olduqlarını bildirib.

Robles bildirib ki, "Bu səhər NATO-nun İraqdakı missiyasında xidmət edən 100 ispan hərbçisi təxliyə edilib. Bu, çox çətin və mürəkkəb bir təxliyə idi. Sığınacaqlarda çoxsaylı həyəcan siqnalları işə salınıb. Xoşbəxtlikdən, onlar artıq yola düşüblər. Onlar Türkiyəyə, personalımızın yerləşdiyi bazaya gedirlər"."Əhəmiyyətli olan odur ki, təxliyə baş tuta bilsin", - deyən ispaniyalı nazir əlavə edib ki, onlar İraqda qalan təxminən 350 NATO əsgərindən 200-nü, hamısı ispan olanları, yaxın saatlarda təxliyə etməyi planlaşdırırlar.

Regionda atışma səbəbindən vəziyyətin çətin və mürəkkəb olduğunu tez-tez vurğulayan və dünən raket hücumları səbəbindən təxliyənin ləğv edildiyi barədə məlumatı paylaşan Robles, ABŞ, Almaniya və İspaniyadan bir neçə dəstək təyyarəsinin hərbi personalın təxliyəsi üçün göndərildiyini qeyd edib.

2015-ci ildən bəri NATO-nun İraqdakı missiyasında iştirak edən İspaniya, təhlükəsizliklə bağlı narahatlıqlar səbəbindən missiyanın dayandırılması qərarından sonra qoşunlarını geri çəkəcəyini açıqlayıb.

aia.az
Tərcümə şöbəsi

• Türkiyə
• Qoşun
• Təxliyə
• İraq
• İspaniya