Kubada elektrik enerjisi tamamilə kəsilib.
Yeniavaz.com xəbər verir ki, bu barədə “Associated Press” yerli hakimiyyət orqanlarına istinadən məlumat yayıb.
Dövlət şirkəti olan “Unión Electrica de Cuba” bərpa prosedurlarına başladığını açıqlayıb. Şirkət qeyd etdi ki, kəsinti zamanı fəaliyyətdə olan istilik elektrik stansiyalarında heç bir fasilə qeydə alınmayıb.
Ölkənin Energetika və Mədən Nazirliyi araşdırma başlatdığını açıqlayıb.
Elektrik kəsintisi enerji və iqtisadi böhranın pisləşməsi fonunda baş verib. Kuba Prezidenti Miguel Dias-Kanel martın 13-ü ölkənin üç aydan çoxdur ki, neft almadığını və enerji üçün günəş enerjisi, təbii qaz və istilik elektrik stansiyalarından asılı olduğunu bildirib.
