Yaxın Şərq ölkələrinə İranın kamikaze dronlarına qarşı müdafiənin "qiymətləndirilməsini" apara bilən üç mütəxəssis komandası göndərilib.
Herbiand.az xəbər verir ki, bunu Ukrayna Prezidenti Volodimir Zelenski jurnalistlərlə görüşündə bildirib.
"Ciddi komandalar göndərilib. Hər komanda onlarla nəfərdən ibarətdir. Bu, sadəcə bir şeyi nümayiş etdirmək üçün harasa gedən üç və ya dörd nəfərin hekayəsi deyil. Göndərilən üç komanda qiymətləndirmə apara və bunun necə işləməli olduğunu nümayiş etdirə bilir".
Ukrayna lideri vurğulayıb ki, bu, sırf qiymətləndirmədir. "Bu, heç bir əməliyyatda iştirak etməklə bağlı deyil. Biz İranla müharibə vəziyyətində deyilik. Bu, müdafiə və "şəhidlərlə" necə mübarizə aparmaq barədə bizim tərəfimizdən aydın, hərtərəfli qiymətləndirmə ilə bağlıdır", - deyə o bildirib.
