Səudiyyə Ərəbistanının hava hücumundan müdafiə sistemləri İrandan buraxılan daha 30 pilotsuz uçuş aparatını ələ keçirərək məhv edib.
Bu barədə krallığın Müdafiə Nazirliyinin açıqlamasında deyilir.
Nazirliyin məlumatına görə, son bir neçə saat ərzində müvafiq olaraq altı, beş, üç, doqquz və yeddi pilotsuz təyyarədən ibarət qruplar ələ keçirilib. Bütün pilotsuz təyyarələr Şərqiyyə əyaləti üzərində vurulub.
Qeyd edək ki, İran İsrail və ABŞ İslam Respublikasına qarşı hərbi əməliyyat başlatdıqdan sonra Səudiyyə Ərəbistanı ərazisinə hücum etməyə başlayıb. İslam İnqilabı Keşikçiləri Korpusu (İran Silahlı Qüvvələrinin elit bölməsi) İsraildəki hədəflərə və bölgədəki ABŞ bazalarına hücum edərək genişmiqyaslı cavab əməliyyatı elan edib. Zərbələr ABŞ-ın təkcə Səudiyyə Ərəbistanındakı deyil, həm də Bəhreyn, İordaniya, Qətər, Küveyt və BƏƏ-dəki hərbi obyektlərini hədəfə alıb.
SAMİRƏ
