Azərbaycan millisinin hücumçusu Mahir Emrelinin çıxış etdiyi “Kayzerslautern” bu gün 2-ci Bundesliqada növbəti oyununa çıxıb.
Sportinfo.az xəbər verir ki, “Kayzerslautern” doğma meydanda “Karlşrue” ilə qarşılaşıb.
Matç Mahirin komandasının 3:0 hesablı qələbəsi ilə yekunlaşıb. Millimizin üzvü qarşılaşmanın 83-cü dəqiqəsində meydana daxil olub və 90+4-cü dəqiqədə komandasının üçüncü qolunu vurub.
“Kayzerslautern” 2-ci Bundesliqada 40 xalla 7-ci, “Karlşrue” 34 xalla 8-ci sırada yer alıb.
“Kayzerslautern” - “Karlşrue” 3:0
Qollar: S.Şahin, 3, M.Berişa, 14, M.Emreli, 90+4
