ain.az, Azertag portalına istinadən məlumat yayır.
Kiyev, 14 mart, AZƏRTAC
Ukraynada hava hücumlarına ən çox məruz qalan şəhərlərdən biri olan Xarkovda Azərbaycan mütəfəkkirləri Nizami Gəncəvinin və Mirzə Fətəli Axundzadənin heykəllərinə hər hansı ziyan dəyməyib. Belə ki, həmin abidələr mühafizə olunduğundan heykəllər hər hansı zərər görməyib.
Bunu AZƏRTAC-a açıqlamasında Ukraynanın Xalq rəssamı, Xarkov şəhərinin “Fəxri vətəndaşı”, soydaşımız Katib Məmmədov deyib.
“Bu gün də çalışırıq. Ukraynanın müxtəlif şəhərlərində, o cümlədən Xarkov şəhərində müəllifi olduğum əsərləri şükür ki, qoruyub saxlaya bilmişik. Ümid edirik ki, müharibə tezliklə bitər, yeni layihələrlə Xarkov sakinlərini sevindirərik”, - deyə Katib Məmmədov əlavə edib.
Onun sözlərinə görə, hazırda vətənpərvərlik mövzusunda yeni sifariş üzərində işləyir.
Emil Hüseynli
AZƏRTAC-ın xüsusi müxbiri
Kiyev
Ən son xəbərləri və yenilikləri almaq üçün ain.az saytını izləyin.
