ABŞ Yaxın Şərqdə hərbi mövcudluğunu əhəmiyyətli dərəcədə artırmaq qərarı verib.
NOCOMMENT.az xəbər verir ki, bu barədə “The Wall Street Journal” ABŞ Müdafiə Nazirliyindəki mənbələrə istinadən məlumat yayıb. Bildirilir ki, ABŞ Müdafiə Nazirliyi məsuliyyət zonasına ABŞ dəniz piyadalarının ekspedisiya bölməsini göndərir.
Məlumata görə, regiona 2 500 nəfərə qədər hərbçidən ibarət operativ qrup yerləşdiriləcək.
Bildirilib ki, bölmə ABŞ Dəniz Piyadalarının Hava-Quru Döyüş Mərkəzi bazasında, Tventinayn Palms, Kaliforniya, ABŞ ərazisində formalaşdırılır.
ABŞ-ın müdafiə naziri Pit Heqset də açıqlamasında təsdiqləyib ki, hərbi qüvvələrin yerləşdirilməsi ilə bağlı müraciət Mərkəzi Komanda Qüvvələri (CENTCOM) rəhbərliyindən daxil olub.
Qeyd olunub ki, dəniz piyadalarının əsas vəzifəsi regionda gəmiçilik azadlığını təmin etmək və dünya neft tədarükünün əhəmiyyətli hissəsinin daşındığı strateji dəniz yollarını qorumaqdır.
Sara
NOCOMMENT.az
