Avropa İttifaqının baş diplomatı Kaya Kallas ittifaqı Trampın düşmən taktikalarına qarşı birlikdə durmağa çağırıb.
Musavat.com xarici mediaya istinadla xəbər verir ki, Kallasın sözlərinə görə, Vaşinqton öz qiymətləndirməsində Avropanı bölməkdə maraqlı olduğunu və Aİ layihəsinin özünə heç bir rəğbət bəsləmədiyini açıq şəkildə bildirir.
"Düşünürəm ki, hər kəsin ABŞ-nin Avropanı bölmək istədiyini çox açıq şəkildə bildirdiyini başa düşməsi həqiqətən vacibdir. Onlar Avropa İttifaqını sevmirlər", - Kallas “Finansial Times” nəşrinə verdiyi müsahibədə bildirib.
Qəzetın mülahizəsinə görə, Kallas hesab edir ki, bu vəziyyətdə Aİ ölkələrinin birliyini qoruması və xarici təzyiqin ittifaqın mövqeyini zəiflətməsinin qarşısını almaq üçün əlaqələndirilmiş şəkildə hərəkət etməsi vacibdir.
Musavat.com
