ABŞ və İsrailin İrana qarşı müharibəsi fonunda qlobal neft qiymətlərinin kəskin artması Rusiya büdcəsinə gündə təxminən 150 milyon dollar əlavə gəlir gətirir.
Herbiand.az xəbər verir ki, bu barədə The Financial Times (FT) qəzetinin məqaləsində deyilir.
Qəzetin hesablamalarına görə, Rusiya xam neftinin orta qiymətinin barel üçün 70-80 dollara çatması ehtimalına görə, mart ayının sonuna qədər Rusiya 3,3 milyard dollardan 4,9 milyard dollara qədər artıq gəlir əldə edə bilər. Müqayisə üçün, fevral ayında bu rəqəm 45 dollar civarında dəyişib.
Əmtəə bazarının təhlili üzrə ixtisaslaşmış “Kpler” şirkətinin aparıcı analitiki Sumit Ritoli Rusiyanı Yaxın Şərqdəki yeni müharibədə "əsas qalib" adlandırıb. Rusiya prezidentinin xüsusi nümayəndəsi Kirill Dmitriyev FT-nin X sosial media saytında dərcini şərh edərək yazıb ki, baş verənlər "tarixin ən böyük enerji böhranının yalnız başlanğıcıdır".
