ABŞ Maliyyə Naziri Skott Bessent bildirib ki, ABŞ Hörmüz boğazından keçən kommersiya gəmilərini mümkün olduqda hərbi dəniz qüvvələri və beynəlxalq tərəfdaşlarla birlikdə müşayiət etməyi planlaşdırır.
QHT.az xəbər verir ki, onun sözlərinə görə, hazırda təhlükəsizlik riskləri səbəbindən ABŞ hərbi gəmilərinə tankerləri müşayiət etmək tapşırılmayıb.
Rəsmilər qeyd edir ki, İranın əvvəllər bəzi kommersiya gəmilərinə dron və raket hücumları etməsi və dəniz minaları yerləşdirmə ehtimalı narahatlıq yaradır. Bununla belə, bəzi gəmilər – o cümlədən Çin bayrağı altında üzən tankerlər – artıq boğazdan keçə bildiyinə görə ABŞ İranın hazırda boğazı minalamadığını düşünür.
