Bizimyol saytına istinadən ain.az xəbər verir.
Pope Leo XIV ABŞ-da maliyyə vəsaitlərini mənimsəməkdə şübhəli bilinən katolik yepiskopunun istefasını qəbul edib.
Bizimyol.info xəbər verir ki, bu barədə Vatikan məlumat yayıb.
Söhbət Emanuel Hana Şaleta adlı yepiskopdan gedir. O, San Diego şəhərində fəaliyyət göstərən kiçik xaldey katolik icmasına 2017-ci ildən rəhbərlik edib.
İstintaqa görə, yepiskopun öz icmasına məxsus təxminən 250 min dolları mənimsədiyi iddia olunur. Məhkəmə iclasında Şaleta ona qarşı irəli sürülən 16 ittiham maddəsi – o cümlədən mənimsəmə və çirkli pulların yuyulması ittihamlarını qəbul etməyib.
San-Dieqo dairə prokurorunun müavini Joel Madero bildirib ki, iddia olunan cinayətlər 2024-cü ildə baş verib. Məsələ kilsə əməkdaşlarından birinin maliyyə vəsaitlərinin yoxa çıxdığını aşkar etməsindən sonra üzə çıxıb.
Şerif idarəsinin açıqlamasına görə, yepiskop 5 mart tarixində San Diego International Airport hava limanında ABŞ-dan çıxmağa cəhd edərkən saxlanılıb.
Ruhaninin vəkili isə məhkəmədə bildirib ki, onun müştərisi sadəcə Almaniyaya səfərə getməyi planlaşdırırdı.
Qeyd edək ki, xaldey katolikləri Roma papasının dini rəhbərliyini tanısalar da, şərq xristian liturgik ənənələrinə sadiq qalırlar. Vatikanın məlumatına görə, təkcə San-Dieqoda təxminən 71 min xaldey katoliki yaşayır.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
