İran-İsrail-ABŞ müharibəsi fonunda Bakının Qaradağ rayonunun Ələt qəsəbəsində yerləşən köhnə yeraltı bunker yenidən gündəmə gəlib. Bunker sovet dövründə inşa olunub və hazırda baxımsız vəziyyətdədir.
Bunkerin içərisinə daxil olduqda uzun koridor görünür. Koridorun sonu müxtəlif qaranlıq otaqlara açılır, otaqlar arasında keçidlər mövcuddur. Bəzi otaqlarda yararsız monitorlar diqqəti çəkir, həmçinin müxtəlif səslər eşidilir.
Bunker təxminən 300–400 nəfərin sığınması üçün kifayət qədər geniş sahəyə malikdir. Bunker həm tarixi baxımdan, həm də potensial təhlükəsizlik imkanları ilə maraq doğurur.
PhotoStock.az yeraltı obyektin içindən görüntülər təqdim edib.
