Bakı, 12 mart, AZƏRTAC
İspaniyanın Qranada şəhərində keçiriləcək Dünya Kubokunda iştirak edəcək Azərbaycanın güllə atıcıları bəlli olub.
Azərbaycan Atıcılıq Federasiyasından AZƏRTAC-ın sorğusuna cavab olaraq bildirilib ki, turnirdə ölkəmizi 4 idmançı təmsil edəcək.
Yığmanın heyətində Xanna Əliyeva, Vladislav Kalmıkov, Ruslan Lunyov və Nigar Nəsirova yer alıblar. Onlar fərdi çıxışla yanaşı, qarışıq komanda yarışında da qüvvələrini sınayacaqlar.
50-dən çox ölkədən idmançıların mübarizə aparacağı Dünya Kuboku aprelin 5-dən 13-dək təşkil olunacaq.
