Qlobal investisiya bankı "Goldman Sachs" ABŞ Mərkəzi Bankının (FED) 2026-cı ildə faiz endirimləri üzrə proqnozunu dəyişərək, indi sentyabr və dekabr aylarında 0,25 faiz bəndi endirim gözləyir, bunu isə Yaxın Şərq münaqişəsi ilə bağlı inflyasiya risklərinin artması ilə izah edir.
Marja xəbər verir ki, əvvəl "Goldman Sachs" növbəti faiz endiriminin iyun ayında başlayacağını, daha sonra isə sentyabr ayında əlavə endirim olacağını proqnozlaşdırmışdı.
Qlobal maliyyə bazarları ABŞ-İran müharibəsi səbəbindən neft təchizatı şoku, yüksələn inflyasiya və qeyri-müəyyən iqtisadi perspektiv narahatlıqları ilə təzyiq altındadır.
"Goldman Sachs" çərşənbə günü yaydığı açıqlamada bildirib:
"Sentyabra qədər həm əmək bazarında əlavə zəifləmə, həm də əsas inflyasiyada irəliləyiş endirim üçün əsas yaradacaq" və əlavə edib ki, "əgər əmək bazarı daha tez və daha kəskin zəifləsə, əvvəlki endirimlər hələ də mümkün ola bilər".
"Goldman Sachs" qeyd edib ki, zəif fevral ayı məşğulluq hesabatı əmək bazarının daha da "soyuması" ilə bağlı narahatlıqları canlandırıb və yavaş ümumi daxili məhsul (ÜDM) artımı ilə birlikdə geosiyasi risklərin yüksəlməsi əvvəlki faiz endirimlərinin ehtimalını artırır.
"Goldman Sachs" əlavə edib ki, əgər əmək bazarı kifayət qədər zəifləyərsə və əvvəlki endirimləri tələb edərsə, neft qiymətlərinin yüksək qalması və inflyasiya gözləntilərinin artması FED-in daha tez faziləri aşağı salmasına mane olmayacaq.
Hazırda treyderlər ABŞ Mərkəzi Bankının sentyabrda 25 baza bəndi endirim edəcəyini təxminən 41% ehtimalla qiymətləndirirlər.
FED-in isə 17-18 mart tarixlərində keçiriləcək növbəti iclasında əsas faiz dərəcəsini (3.50%–3.75% intervalı) dəyişməyəcəyi gözlənilir.
