"Sirrim çox sadədir: özümü sevirəm və vaxtıma hörmət edirəm. Təbii ki, nizam-intizam da böyük rol oynayır. Qidalanmama diqqət edirəm, çoxlu su içirəm və imkan olduqca kifayət qədər yatıram. Ruhunuzda sülh olanda, bu gözlərinizdə də görünür. İnsan daxilən parlayanda, dünya bunu görməyə məcbur olur".
Bakıvaxtı.az xəbər verir ki, Xalq artisti Aygün Kazımova bu sözləri "Nargis" jurnalına verdiyi müsahibədə bildirib. Günlük rutinindən danışan danışan müğənni qeyd edib ki, səhər oyananda artıq günün planını bilirəm:
"Bu gün harada oxuyacağımı, məni necə bir tamaşaçı gözlədiyini və insanlara hansı əhvalı ötürmək istədiyimi bilirəm. Səhərlər qəhvə, planlar və komandamla söhbətlərlə başlayır. Məşqləri, studiyanı, çəkilişləri və obrazları müzakirə edirik. Hər detal haqqında düşünürəm. Mənim üçün hər şey vacibdir ilk mahnıdan son çıxışa qədər".
Pop diva əlavə edib ki, evdə olsam belə, səhnənin bir hissəsi kimidir:
"Evim mənim səhnə arxamdır. İdeyalar məhz orada yaranır, orada enerji toplayır və növbəti çıxışıma hazırlaşıram. Düzünü desəm, mən "Diva" rejimini açıb-söndürmürəm. Bu, çıxarıla bilən bir kostyum deyil. Bu mənim xarakterim, enerjim və həyatımın ritmidir".
