ain.az, Avtosfer portalından verilən məlumatlara əsaslanaraq xəbər verir.
Qəza əleyhinə kursların məşqçisi Aqil Rəhimov sərxoş vəziyyətdə avtomobil idarəçiləri ilə bağlı cəzaların daha da sərtləşdirilməsinin vacibliyini vurğulayıb.
Avtosfer.az xəbər verir ki, onun sözlərinə görə, spirtli içki qəbul etdikdən sonra sükan arxasına keçən sürücülər yolda ciddi təhlükə yaradır. Belə sürücülər idarəetməni itirərək piyadaları vura, bir neçə nəfərin həyatını riskə ata, ictimai nəqliyyat dayanacaqlarına daxil ola və digər avtomobillərlə toqquşa bilərlər. Bu səbəbdən məsələ son dərəcə təhlükəli hesab olunur.
Cərimələnən sürücülərə şad xəbər - Ödədikləri vəsait geri qaytarılacaq
Aqil Rəhimov hesab edir ki, belə halların qarşısını almaq üçün tətbiq olunan cəzalar daha da sərtləşdirilməlidir. Onun fikrincə, bəzi sürücülər mövcud cərimələrə baxmayaraq yenə də spirtli içki qəbul etdikdən sonra sükan arxasına keçirlərsə, bu, tətbiq edilən cəzaların kifayət qədər təsirli olmadığını göstərir.
Ekspert bildirib ki, sürücülərin davranışını dəyişmək üçün iki əsas üsul var: maarifləndirmə və cəza tədbirləri. Maarifləndirmə vasitəsilə insanlara bu davranışın təhlükələri izah edilir və onların məsuliyyəti artırılır. Lakin bəzi sürücülər belə xəbərdarlıqlardan nəticə çıxarmır.
Bu baxımdan Aqil Rəhimov qeyd edib ki, maarifləndirmə ilə yanaşı, sərt cəza mexanizmləri də tətbiq olunmalıdır. Onun sözlərinə görə, xüsusilə spirtli içki qəbul edərək avtomobil idarə edən şəxslər üçün cərimələr daha yüksək olmalı və məsuliyyət tədbirləri gücləndirilməlidir. Bu addımlar yollarda təhlükəsizliyin artırılmasına və qəzaların sayının azalmasına kömək edə bilər.
Eltac Zülfüqaroğlu
Daha ətraflı məlumat və yeniliklər üçün ain.az saytını izləyin.
