Bizimyol saytından verilən məlumata görə, ain.az xəbər verir.
Ermənistan Baş naziri Nikol Paşinyan seçicilərə hakim “Vətəndaş Müqaviləsi” partiyasının qələbəsinin artıq təmin olunduğunu nümayiş etdirməyə çalışır.
Bizimyol.info xəbər verir ki, siyasi şərhçi Vigen Akopyan ölkə mətbuatına bildirib ki, Paşinyan partiyanın 65% səs toplamasının realist olmadığını bilir.
“Əslində, "Vətəndaş Müqaviləsi" və müttəfiq partiya yalnız 50%+1 səsə yaxınlaşa bilər. Bu bəyanat yalnız daxili auditoriya üçün verilib: həm partiya üzvlərini və elektoratını inandırmaq, həm də hələ qərarsız olan 40-50% seçicidə apatiya yaratmaq üçün”, — deyə Akopyan qeyd edib.
Politoloq vurğulayır ki, Paşinyan seçkiyə gələn yüksək iştirakın öz hakimiyyətinə risk yaratdığını anlayır. Buna görə də onun bəyanatları təbliğat xarakterlidir. Lakin Baş nazirin kəndlərdə və fərdi evlərdə gedərək görüşlər keçirməsi göstərir ki, o, hələ də qələbədə əmin deyil və 50%-dən çox səs almağa inamı yoxdur.
Aparılan son sorğulara görə, parlament seçkilərində “Vətəndaş Müqaviləsi” 29%, “Güclü Ermənistan” 11%, “Ermənistan Bloku” isə 4% səs toplaya bilər. Paşinyanın şəxsi reytinqi 18%, digər liderlərin isə daha aşağıdır.
Ekspertlər bildirir ki, Paşinyan və komandası seçki kampaniyasında yeni təsiredici addımlar ata bilər. Belə bəyanatlar tərəfdarları inandırmaq və neytral seçicilərdə şübhə yaratmaq üçün tez-tez istifadə olunan metodlardır.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
