ain.az, Bizimyol portalına istinadən məlumat verir.
Ümumdünya Səhiyyə Təşkilatı, neft obyektlərinə edilən hücumlardan sonra İranda müşahidə edilən sözdə "qara yağış"la əlaqəli sağlamlıq riskləri barədə xəbərdarlıq edib.
Bizimyol.info xəbər verir ki, təşkilatın məlumatına görə, yüksək miqdarda neft məhsulları olan yağıntılar tənəffüs yolları problemlərinə səbəb ola bilər.
İranda nümayəndəliyi olan və səhiyyə fövqəladə halları ilə bağlı səlahiyyətlilərlə əməkdaşlıq edən ÜST bu həftə bu cür yağıntılar barədə çoxsaylı məlumatlar verib. Bazar ertəsi günü ölkənin enerji infrastrukturuna artan hücumlar fonunda neft emalı zavoduna edilən hücumdan sonra Tehran qalın qara tüstü ilə örtülüb.
ÜST-nin Cenevrədəki nümayəndəsi Kristian Lindmayer brifinqdə: “Qara yağış və onu müşayiət edən turşulu yağış insanlar, xüsusilə də tənəffüs sistemi üçün ciddi təhlükə yaradır”, - deyə bildirib. Bu səbəbdən İran hakimiyyəti sakinlərə evdə qalmağı tövsiyə edib.
ÜST rəsmiləri qeyd edirlər ki, neft anbarları və emalı zavodlarında yanğın təhlükəsi, həmçinin havanın keyfiyyətinin pisləşməsi fonunda belə bir tədbir məqsədəuyğundur.
"Reuters" agentliyinə göndərilən videolardan birində, 8 martda Təbərdə ÜST ofisinin qarşısında qara mayeni silən bir işçi təsvir olunub. Lakin agentlik həmin görüntülərin dəqiqliyini müstəqil təsdiq edə bilmədiyini qeyd edib.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
