Rihannanın evinə hücum edən şəxsin cinayət üçün qəribə motivləri olub.
KONKRET.az bildirir ki, hadisədən bir müddət əvvəl müğənni Rihannanın evinə silahlı hücum edən 35 yaşlı İvanna Ortiz, guya hərəkətlərini haqlı çıxardığı bir sıra gülünc videolar yayımlayıb.
Ortiz “YouTube” kanalındakı bir sıra videolarda Rihannanın ondan “oğurladığını”, onu “qısqandığını” və “şeytanın üzü” olan “cadugər” olduğunu iddia edib.
Onun sosial media paylaşımları nədənsə Rihannaya əsəbiləşən və onun haqqındakı fikirlərinə özü inanmış birinə bənzəyir. Bir videoda qadın müğənninin “şeytanın üzü” olduğunu iddia edir.
“Rihanna məni tamamilə qısqanır… çünki onun üzü şeytandır. Rihannanın üzü şeytandır”- İvanna deyir.
Başqa bir videoda o, Rihannanın onu həqiqətən sevmədiyini və guya onu aldatmağa çalışdığını deyir.
“Heç bir normal musiqisi yoxdur. O, yalnız cadugərlik etmək üçün kiçik kliplər yayımlayıb”.
Həmçinin videolarında insanları Rihannanın musiqisini dinləməməyə və ya onu izləməməyə çağırır.
Rihanna evinə tüfəngdən açılan atəşdən sonra dəhşətə gəlib. Müğənni niyə məhz onun və ailəsinin hədəfə alındığını başa düşmür.
Mənbə mediaya Rihannanın silah səslərini eşidib, əvvəlcə baş verənlərdən çaşqın olduğunu bildirib.
“Əla təhlükəsizlik tədbirləri olsa belə, belə bir şeyin baş verməsi qorxuludur”.
Atışmadan sonra Rihanna əlavə təhlükəsizlik tədbirləri görməli olub. O, fotosessiyalarından birini ləğv edib.
Onu da qeyd edək ki, Rihanna Ortizin mənasız mesajlarında adı çəkilən yeganə məşhur olmayıb. O, həmçinin reper Kardi B. haqqında da yazıb.
Bundan başqa ki, qadın əvvəllər polis tərəfindən keçmiş ərinə uşağının gözü qarşısında hücum etdiyinə görə həbs olunub.**sfera.az
