Avropa Şurasının prezidenti António Kosta Rusiyanın, Çin və ABŞ-nin beynəlxalq qaydaları pozduğunu bildirib.
Redaktor.az xəbər verir ki, bu barədə xarici KİV məlumat yayıb.
Məlumata görə, Kosta öz X səhifəsində yayımlanan Aİ səfirlərinə müraciətində qeyd edib ki, 27 fərqli ölkə ilə ortaq xarici siyasətə nail olmaq çətindir, lakin çoxşaxəli dünya çoxşaxəli həllər tələb edir.
Kosta bildirib: “Biz yeni reallığı bilirik: Rusiyanın sülhü pozduğu, Çinin ticarət qaydalarını pozduğu və ABŞ-nin qaydalara əsaslanan beynəlxalq nizama meydan oxuduğu bir reallıq. Bu yeni reallıqda Avropa İttifaqının missiyası nə olmalıdır? Birincisi, beynəlxalq hüquqa əsaslanan qaydalara hörmət etməliyik. BMT Nizamnaməsində və beynəlxalq müqavilələrimizdə təsbit olunmuş prinsiplərə hörməti təşviq etməliyik”.
X-də yayımlanan başqa bir paylaşımında Kosta əlavə edib ki, Avropa İttifaqı həmişə etibarlı tərəfdaş, qaydalara əsaslanan beynəlxalq nizamın müdafiəçisi və BMT Nizamnaməsinin qoruyucusu olmalıdır.
Aminə ŞAHSUVARQIZI
