Demokrat.az portalından alınan məlumata görə, ain.az xəbər verir.
Dırnaqlarda yaranan kiçik dəyişikliklər bəzi hallarda ciddi xəstəliklərin erkən əlaməti ola bilər. ABŞ Milli Sağlıq İnstitutu (NIH) tərəfindən aparılan son araşdırma göstərib ki, dırnaqlardakı müəyyən anormallıqlar nadir genetik sindrom, BAP1 şiş meylliliyi sindromu ilə bağlı ola bilər.Demokrat.az bildirir ki, alimlərin məlumatına görə, BAP1 sindromu insanın dəri, göz, böyrək və daxili orqanlarda xərçəng riskini artırır. Araşdırmada 35 ailədən 47 nəfər müayinə edilib. Genetik məsləhətçi Aleksandra Lebenson qeyd edir ki, araşdırma bir pasiyentin dırnaqlarındakı solğun dəyişikliyi fərq etməsi ilə başlayıb və digər iştirakçıların yoxlanmasına səbəb olub.Dırnaq boyunca uzanan ağ və ya qırmızı rəngli zolaqlar, dırnağın ucunda və ya rəngli zolağın altında qalınlaşma, birdən çox dırnaqla eyni vaxtda meydana gələn dəyişikliklər diqqət yetirilməsi tövsiyə olunan əlamətlərdir.Araşdırmada iştirak edən 30 yaşdan yuxarı şəxslərin 88 faizində belə dırnaq şişləri aşkar edilib. Mütəxəssislər bildirir ki, ailəsində melanoma tarixi olan insanlar üçün dırnaq müayinəsi həyati əhəmiyyət kəsb edir.Dermatologiya üzrə mütəxəssis Edvard Koven deyir ki, dırnaqlardakı bu dəyişikliklər BAP1 genindəki mutasiyadan qaynaqlanır. Normalda bu gen bədəndə şişlərin yaranmasının qarşısını alan “mühafizəçi” funksiyasını yerinə yetirir, lakin mutasiya baş verəndə bu müdafiə sistemi zəifləyir.Ümumdünya Səhiyyə Təşkilatı xatırladır ki, melanoma erkən mərhələdə müəyyən edilərsə müalicə oluna bilir. Buna görə də dırnaqlarda hər hansı qeyri-adi rəng dəyişikliyi və ya struktur pozulması müşahidə olunarsa, vaxt itirmədən həkimə müraciət etmək tövsiyə olunur.İsmayıl
Demokrat.az
Daha ətraflı məlumat və yeniliklər üçün ain.az saytını izləyin.
