ain.az, Demokrat.az portalına istinadən məlumat verir.
Tarixdə ən çox uşaq dünyaya gətirdiyi iddia olunan qadın kimi tanınan Valentina Vassilyeva haqqında məlumatlar yenidən diqqət çəkib. XVIII əsrdə Rusiyada yaşamış qadının doğuş sayı ilə bağlı rəqəmlər bu gün də maraq doğurur.Demokrat.az xəbər verir ki, tarixi qeydlərə görə, o, kəndli Feodor Vassilyevin həyat yoldaşı olub və 1725–1765-ci illər arasında ümumilikdə 69 uşaq dünyaya gətirib. Bildirilir ki, Vassilyeva 27 dəfə doğuş edib və bu doğuşların böyük hissəsi çoxdöllü olub.Məlumatlarda qeyd edilir ki, o, 16 dəfə əkiz, 7 dəfə üçəm və 4 dəfə dördəm uşaq dünyaya gətirib. Bu hesabla doğulan uşaqların sayı 69-a çatır. Hətta bəzi mənbələrdə həmin uşaqların əksəriyyətinin sağ qaldığı da bildirilir.
Bu barədə məlumatlar ilk dəfə XVIII əsrdə Rusiyadakı kilsə və monastır qeydlərində yer alıb. Sonradan isə məlumatlar 1783-cü ildə Britaniyada nəşr olunan The Gentleman's Magazine jurnalında dərc edilib və geniş yayılıb.Bununla belə, tarixçilərin bir qismi bu rəqəmlərə ehtiyatla yanaşır. Onların fikrincə, həmin dövrdə tibbi və demoqrafik qeydlərin məhdud olması səbəbindən bəzi məlumatların dəqiqliyini tam təsdiqləmək çətindir. Buna baxmayaraq, Valentina Vassilyeva adı bu gün də ən çox uşaq dünyaya gətirən qadın kimi tarixdə qeyd olunur.İsmayıl
Demokrat.az
Ən son xəbərləri və yenilikləri almaq üçün ain.az saytını izləyin.
