Cəlilabad rayonunda yol-nəqliyyat hadisəsi baş verib.
KONKRET.az xəbər verir ki, qəza rayonun Göytəpə şəhəri ərazisində qeydə alınıb. Belə ki, “Qazel” markalı mikroavtobusla “Mercedes” markalı minik avtomobili toqquşub.
Hadisə nəticəsində xəsarət alan olmasa da, avtomobillərə maddi ziyan dəyib. Bildirilir ki, mikroavtobusda sahədə çalışan fəhlələr olub.
Faktla bağlı araşdırma aparılır.
