ain.az, Demokrat.az portalından verilən məlumatlara əsaslanaraq xəbər verir.
Bəzi dərman vasitələrinin qəbulu sürücülərin reaksiyasını zəiflədərək təhlükə yaradır. Xüsusilə geniş istifadə olunan bir sıra preparatlar mərkəzi sinir sistemini zəiflətdiyi üçün yol hərəkəti zamanı qəza riskini kəskin artırır.Demokrat.az bildirir ki, ekspertlərin müşahidələrinə görə, valokordin və korvalol kimi populyar preparatlardan istifadə edən şəxslərin avtomobil idarə etməsi yolverilməzdir. Bu dərmanlar sürücülük qabiliyyətinə birbaşa təsir edir və diqqəti yayındırır. Bundan əlavə, soyuqdəyməyə qarşı istifadə olunan tozşəkilli dərmanlar, allergiyaya qarşı qəbul edilən antihistamin vasitələr yuxululuq və süstlük yaradır. Ağrıkəsicilər, öskürək şərbətləri və sakitləşdirici təsirə malik trankvilizatorlar da təhlükəli siyahıya daxildir.Həkimlər qeyd edir ki, dərman qəbulundan əvvəl mütləq mütəxəssislə məsləhətləşmək lazımdır. Hər hansı bir preparatın sürücülük bacarığına necə təsir göstərəcəyini əvvəlcədən dəqiqləşdirmək vacibdir.Yol təhlükəsizliyinə təsir edən digər amil isə yuxusuzluqdur. İspaniyalı nevroloq Selia Qarsiya Malonun fikrincə, altı saatdan az yatan şəxslərin durumu alkoqol sərxoşluğu ilə oxşar nəticələrə gətirib çıxarır. Yuxu çatışmazlığı olan sürücülərin reaksiyası gecikir, diqqəti toplamaq çətinləşir. Bu vəziyyət sükan arxasında son dərəcə ehtiyatlı olmağı tələb edir və bəzən avtomobildən imtina etməyi zəruri edir.İsmayıl
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
