Ukrayna Silahlı Qüvvələri Donetsk vilayətinin Rusiya tərəfindən işğal olunmuş hissəsində, Donetsk hava limanı ərazisində "Shahed" pilotsuz uçuş aparatlarının (PUA) hazırlıq və buraxılış məntəqəsini məhv edib.
Publika.az xəbər verir ki, bu barədə Ukrayna Silahlı Qüvvələrinin Baş Qərargahı sosial şəbəkələrdə məlumat yayıb.
Baş Qərargahın məlumatına görə, obyektə zərbə ATACMS və SCALP raketləri ilə endirilib.
"Zərbəni Ukrayna Silahlı Qüvvələrinin Hərbi Hava Qüvvələrinin aviasiyası ilə birgə raket qoşunları və artilleriya bölmələri endirib. Hücumdan sonra güclü yanğın və təkrar partlayış qeydə alınıb", - məlumatda bildirilib.
