AFFA İntizam Komitəsinin bu gün keçirilən iclasında Bizon Azərbaycan Kubokunun 1/4 final mərhələsinin cavab oyunlarında baş vermiş qayda pozuntuları müzakirə olunub.
Fanat.Az xəbər verir ki. dörd oyundan üçündə cəza və cəriməyə əsas verən hal aşkarlanıb.
“Zirə” – “Sumqayıt” oyununun 83-cü dəqiqəsində ciddi qayda pozuntusuna görə birbaşa qırmızı vərəqə alan qonaqların legioneri Nikola Ninkoviç 2 oyunluq diskvalifikasiya edilib, klubu 1000 manat cərimələnib.
“Qarabağ” – “Şamaxı” oyununun 89-cu dəqiqəsində meydana kənar şəxs (Abdulla Zubirə yaxınlaşıb onunla selfi çəkən azarkeş) daxil olduğuna görə meydan sahibləri 2500 manat cərimələnib. “Şamaxı” isə 4 futbolçusunun sarı vərəqə alması səbəbindən 700 manat ziyana düşüb.
“Qəbələ” – “Sabah” oyununda isə Adriel Ba Loua ciddi qayda pozuntusuna görə birbaşa qırmızı vərəqə aldığı üçün 2 oyunluq cəzalandırılıb, “Qəbələ” 1000 manat cərimə edilib.
