İranın Bəhreynə endirdiyi zərbənin hədəfi ABŞ Hərbi Dəniz Qüvvələrinin Beşinci Donanmasının zabitlərinin yerləşdiyi binalar olub.
AFN.az xəbər verir ki, bu barədə İranın "Tasnim" agentliyi məlumat yayıb.
Məlumata görə, zərbələr Manamanın Cufeyr rayonundakı evlərə endirilib.
Bundan əvvəl Bəhreyn Daxili İşlər Nazirliyi İranın Manamadakı üç obyektə hücum etdiyi barədə məlumat vermişdi. Hücuma iki otel və bir yaşayış binası məruz qalıb. Qurumun dəqiqləşdirdiyinə görə, hadisə nəticəsində maddi ziyan dəyib, lakin tələfat yoxdur.
