"Zirə"nin heyətində ciddi itki baş verib.
Sportinfo.az xəbər verir ki, qəsəbə təmsilçisinin aparıcı üzvlərindən olan Ayron Qomis sıradan çıxıb.
Fransalı yarımmüdafiəçi Bizon Azərbaycan Kuboku 1/4 final mərhələsinin "Sumqayıt"la cavab matçının 76-cı dəqiqəsində zədələnərək meydanı tərk edib.
Tibbi müayinədən sonra Qomisin zədəsinin ciddi olduğu məlum olub. 26 yaşlı futbolçu bir müddət yaşıl meydanlardan uzaq qalacaq.
"Sumqayıt"la qarşılaşma "Zirə"nin 2:0 hesablı qələbəsi ilə başa çatıb. İlk görüş qolsuz bərabərliklə yekunlaşdığı üçün Rəşad Sadıqovun rəhbərlik etdiyi kollektiv yarımfinala yüksəlib.
Ayron Qomis 2024-cü ilin sentyabrından "Zirə"də çıxış edir. O, cari mövsümdə "qartallar"ın heyətində meydana çıxdığı 25 rəsmi matçda 2 qol və 2 məhsuldar ötürmə ilə yadda qalıb.
