Cüdo və güləş idman növlərində yeni nəsil formalaşmaq üzrədir
Bakı, 5 mart, AZƏRTAC
Cüdo və güləş idman növlərində yeni nəsil formalaşmaq üzrədir və yaxın illərdə tam hazır vəziyyətdə yarışlara qatılacaqlar.
AZƏRTAC xəbər verir ki, bu fikirləri Milli Olimpiya Komitəsinin (MOK) vitse-prezidenti Çingiz Hüseynzadə Bədən Tərbiyəsi və İdman Gününə həsr olunmuş brifinqdə deyib.
O bildirib ki, indi yeni nəsil idmançılar yetişir və gələcək Olimpiya oyunları Azərbaycan üçün daha uğurlu olacaq: “Los Angeles Olimpiadası bizim üçün uğurlu ola bilər. Bunun üçün isə ciddi hazırlıq və sistemli iş aparılmalıdır. Bildiyiniz kimi, bu işlərdə federasiyaların rolu çox böyükdür. Hazırda federasiyalar maddi-texniki baxımdan kifayət qədər güclü imkanlara malikdirlər”.
