ain.az bildirir, Axar.az saytına əsaslanaraq.
ABŞ və İsrailin İrandakı hərbi əməliyyatı ideoloji müharibədir. Dünyada hər kəs bərabərdirmi, yoxsa istədiklərini etmək hüququna malik bəzi ölkə və onların liderləri var? Bunu bizə İsrail və ABŞ göstərir.
Axar.az xəbər verir ki, bunu rusiyalı politoloq Marat Başirov deyib.
“ABŞ və İsrail İranın hərbi və siyasi mərkəzlərinə zərbələrin ölkədə çevrilişə səbəb olacağına ümid edirdi. Lakin bu gözləntilər özünü doğrultmadı. Bəzi əyalətlərdə yerli üsyanlar təşkil edə bilən qruplar olsa da, onlar bütün ərazidə çevriliş təşkil edə bilmirlər. Əlbəttə, onlar haradasa ortaya çıxacaq, sonra isə Amerika və İsrail televiziya şirkətləri bu aksiyanın hər yerdə olduğunu göstərəcək, amma bu, doğru deyil”, - o bildirib.
Başirov quru əməliyyatı olmadan hətta ara mərhələni belə başa çatdırmağın mümkün olmayacağını vurğulayıb:
“Əgər İran daha bir həftə dözsə, ona beynəlxalq dəstək artacaq və bu, ABŞ üçün məğlubiyyət olacaq. Eqoistlər kimi düşünsək, hadisələrin belə bir inkişafı Rusiya və Çin üçün faydalıdır, çünki bu, ABŞ-ın hər şeyə qadir olmadığını nümayiş etdirir”.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
