ain.az, Azertag saytına istinadən bildirir.
Qusar, 4 mart, AZƏRTAC
Bu gün Azərbaycanda xizək alpinizmi üzrə Avropa çempionatına start veriləcək.
AZƏRTAC xəbər verir ki, “Şahdağ” Turizm Mərkəzində keçiriləcək yarışda Azərbaycanı 5 idmançı təmsil edəcək.
Nəzrin Qəribova, Nəbiyulla Qələbəqiyev, Anid Sultanov, Abel İsmixanov və Nurid Şəkərəliyev medallar uğrunda mübarizə aparacaqlar.
Martın 8-dək davam edəcək qitə birinciliyinin açılış mərasimi saat 09:00-da başlayacaq.
Avropa çempionatında Azərbaycanla yanaşı, AİN (Neytral Statuslu İdmançılar), Türkiyə, İtaliya, İsveçrə, Sloveniya, Almaniya, Rusiya, İspaniya, Avstriya, Norveç, Bolqarıstan, Çexiya, Polşa, Slovakiya, Yunanıstan, Andorra və İsveçdən ümumilikdə 123 idmançı çıxış edəcək.
Daha ətraflı məlumat və yeniliklər üçün ain.az saytını izləyin.
