ABŞ-İsrail hücumlarına baxmayaraq, İran dövləti fəaliyyətlərini davam etdirir. Metbuat.az xəbər verir ki, İran Prezidenti Məsud Pezeşkian belə açıqlama verib. Pezeşkian X sosial media hesabındakı paylaşımında milli birlik mesajı verib. O, qərarların tez və yerli şəraitə uyğun olaraq qəbul edilməsi üçün əyalətlərə lazımi səlahiyyətlərin verildiyini bildirib. Pezeşkian, “Biz qubernatorlarla birbaşa əlaqə saxlayırıq. Xüsusi bir vəziyyətdəyik. Lakin ölkə dayanmayıb. Ölkə daxilində fəaliyyətlər davam edir. Əsas sərvətimiz milli birliyimizdir”, - deyə bildirib.
