Türkiyənin "Fənərbağça" klubu son iki gündə ard-arda gələn xoşagəlməz hadisələrlə sarsılıb.
Fanat.Az xəbər verir ki, həm futbol, həm də basketbol komandasında baş verən itkilər və gözlənilməz olaylar camiədə dərin üzüntü yaradıb.
Klubun son 48 saat ərzində üzləşdiyi çətinliklərin xronikası belədir:
• Domeniko Tedeskonun xəstəliyi: Futbol komandasının baş məşqçisi viral infeksiya və yüksək hərarət səbəbindən "Antalyaspor"la oyuna çıxa bilməyib və müşahidə altına alınıb.
• Dubayda qalanlar: "Fənərbağça Beko"nun baş məşqçisi Şarunas Yasikeviçius, oyunçu Armando Bekot, fizioterapevt Buza və idman direktoru Uğur Ozan Sulak bölgədəki partlayışlar və uçuşların dayandırılması səbəbindən Dubayda qalıblar.
• Semedonun ailəsində qəza: Futbolçu Nelson Semedonun həyat yoldaşı Marlene Semedo yol qəzası keçirib.
• Fred və Edersonun ağır itkisi: Komandanın ulduz futbolçusu Fred nənəsinin, qapıçı Ederson isə sevimli iti "Sindi"nin vəfat etdiyini açıqlayıb.
