Azərbaycanın qadın futbolçulardan ibarət millisi dünya çempionatının seçmə mərhələsində mübarizəyə başlayıb.
Fanat.Az xəbər verir ki, C Liqasının 3-cü qrupunda yarışan Siyasət Əsgərovun baş məşqçisi olduğu komanda açılış oyununda evdə Şimali Makedoniya ilə üz-üzə gəlib.
Mərdəkanda "Liv Bona Dea Arena"da baş tutan oyun millimizin inamlı qələbəsi ilə yekunlaşıb - 2:0. Qolları 28 və 77-ci dəqiqələrdə millinin kapitanı Sevinc Cəfərzadə vurub.
Qeyd edək ki, Azərbaycan yığması növbəti matçını martın 7-də Macarıstan millisinə qarşı keçirəcək. Bu görüş Felksutdakı "Panço Arena"da, Bakı vaxtı ilə saat 20:00-da start götürəcək.
Dünya Çempionatı
C Liqası, 3-cü qrup
3 mart
Azərbaycan – Şimali Makedoniya 2:0
Qollar: Sevinc Cəfərzadə, 28; 77.
Hakimlər: Anna Adamskaya, Yulia Bukaroviç, Angelika Novak, Mixalina Dyakov.
Mərdəkan. "Liv Bona Dea Arena".
