Autizm spektr pozuntusuna uzun müddət yalnız kişilərdə daha çox rast gəlindiyi düşünülürdü.
Pravda.az bildirir ki, yeni araşdırmaya görə, bu fərq əslində diaqnostik sistemin qadınları kifayət qədər tanımamasından irəli gəlir.
1985–2020-ci illər arasında doğulan 2,7 milyon nəfərin məlumatları təhlil olunub. Nəticələr göstərir ki, erkən uşaqlıq dövründə oğlanlara qızlardan 3–4 dəfə daha çox autizm diaqnozu qoyulur. Amma yeniyetməlik və yetkinlik dövründə bu fərq azalır və 20 yaşa çatanda qadınlar və kişilər arasında diaqnoz dərəcəsi demək olar ki, bərabərləşir.
Mütəxəssislər bildirirlər ki, qadınlarda autizm fərqli və daha incə formada özünü göstərir. Sosial uyuma uyğunlaşma və “maskalama” bacarıqları kişilərə nisbətən daha inkişaf etmiş olduğundan, mövcud diaqnostik meyarlar qadınlardakı autizmi tez-tez əks etdirmir.
Qeyd: Autizmin qadınlarda da kişilər qədər yaygın olduğu vurğulanır və diaqnostika vasitələrinin cinsiyyət meyllərindən azad olunaraq yenidən nəzərdən keçirilməsinə ehtiyac olduğu bildirilir.
Əminə Bayramova
