"Ən çox o "Gəl, mənə addım-addım" oxuyan qadına görə pis oluram. Bəlkə də illərlə bu günləri arzulayırmış, hər dəfə həmkarlarını efirdə görəndə ah çəkib, köks ötürürmüş, öz-özünə deyirmiş ki, bir gün sən də orada olacaqsan".
Musavat.com xəbər verir ki, bu sözləri aktyor Taleh Yüzbəyov sosial şəbəkədə yazıb. Aktyor son günlər bir çox ifaçıya efir qadağası qoyulmasına münasibət bildirib:
"Və axır ki, arzusuna çatmışdı. Bəlkə də hər efirdən sonra gecə yatanda tavana baxıb gülümsəyirmiş, aparıcının sualına daha yaxşı cavab fikirləşirmiş. O birilər heç olmasa efirin çörəyini yemişdilər, bu yazıq qadın iki, ya üç dəfə efirə çıxdı, qadağa qoydular. Bizim üçün gülməlidir, onun üçün kədərli".
Könül
Musavat.com
